موضوع: موش رجولة منك خالص علي فكره

موش رجولة منك خالص علي فكره

- موش رجوله منك انك تروح الاستاد قبل الماتش 8 ساعات بدري في حين انك بتنزل صلاه الجمعه في الركعه التانيه

-موش رجولة منك تعاكس واحدة ف الشارع (أياً كان لبسها) لمجرد انها لوحدها رغم انك عارف كويس جداً انها لو كانت ماشية مع واحد عمرك ما هتعرف تبصلها (أياً كان لبسها بردو)

-موش رجولة منك انك تبتسم ف وش خطيبتك أو
زميلتك ف الكلية لحد ما يجيلك شد عضلي ف وشك وترجع البيت متحاولش تبص ف وش
أمك أو ابوك أو حتى تكلمهم !!!!!

-موش رجولة منك تسقّط البنطلون ولما تتسأل ليه تقول بكل بساطة علشان حجره ضيق !!!!!!!!!

-موش رجولة منك انك تفضل ماسك السجاره طول اليوم وانت لسه بتاخد مصروف من ابوك

-موش رجولة لما تسمع اللي بيحصل في فلسطين وتقول وانا مالي لما يبقوا ييجوا مصر

- موش رجولة لما تبقي عارف انك غلطان وبتكابر لمجرد انك مش عايز تقول اني غلطان

- موش رجولة انك تكدب علي حد لمجرد انك تضحك

- موش رجولة لما تقف ساعتين تتخانق مع واحد صاحبك عشان هو اهلاوي وانت زملكاوي ..في حين انك مش هتقف خمس دقايق تكلم في مساله دينيه

- موش رجولة منك لما تقف تتجادل مع واحد اذا كان عمرو دياب احسن ولا تامر (كتك ستين نيله)

- موش رجولة لما تضرب واحد اصغر منك في الجسم مع انك هتبقي كتكوت لو هو اكبر منك حبتين مع انه نفس الموقف

-موش رجولة منك انك تتريق على اللي رايح واللي جاي لمجرد التريقة وكل واحد فينا فيه العبر

-موش رجولة منك لما تكون قاعد ف مواصلة وتلاقي راجل كبير مش قادر يقف ومتقوملوش....

-موش رجولة خااااااااالص
انك تكون ف نفس المواصلة وتشوف بنت أو ست كبيرة الناس عمالة تعدي من جنبها
وتخبط فيها وانتا قاعد كالثلجة الشمالية !!!!!!!!

الخ....الخ....ألخ

وعموماً......في ناس الكلام موش هيأثر فيهم لسبب بسيط جداً

ان الرجولة ملهاش قطع غيار

asoom كتب:

شكرا لمرورك الطيب اخى

» موضوع مهم ارجوو دخول المدير حسوون او الادارة
» $ قـوانـين الدردشــه والفرفشــه $\\\\\\ لو موضوع عجب الاداره والاشراف يثبت لانه ضروري جدااااا