عليك الدمع يجري تكول شلال
عكبك يالجنت لجروحي شلال
اذا رايد تجيني لسوك شلال
بشارع عدن بس اسال عليه
*******************************
الناس الي تدور كلها.. دوري
مثل دوري النخبه ماكو دوري
كالو لشمس عالوطن ....دوري
ونوري دروب ذول اهل الحميه
***************************************
وحشه الدنيه ما تسوه بلاياك
واحبك حتى لو كثرن بلاياك
شلون الدومنه العبها بلايك
وانه الدوشيش ميت بين اديه
************************************
هله بجيتك يغالي يوم طليت
وعلينه بغيبتك جاليش طليت
لجدامك الحلوه الدرب طليت
بحنه وزعفران وكاردنيه
******************************************
الزمن وياي مايخلص حديثه
طعني وشوف طعناته حديثه
اريد انشد اهل راوه وحديثه
واشوفهم زماني شعمل بيه
*********************************************
يدهري ليش باحزانك تواليت
وعلي مثل الاغم وليه تواليت
كبل تسريحتي جانت تواليت
وهسه اكرع ولا شعرايه بيه
******************************************