همي من كـــثر يذبل وراها
ونار الكلب مــا يخمد وراها
كل شده يـــهل وادم وراها
فرج ، والفرج من رب البريه
الهجر يكتل يصاحب وانت داري
عليك يخاف كلبي وانت داري
انت اهلي وعمامي وانت داري
انت امي وابوي واخ اليه
ابشرك مابعد بالعين ضل ماي
وحس حته الصبح بجفاك ضلماي
زماني مرادف عله الروح ضلماي
سلب عقلي وشدهني وشد اديه
هتك روحي جفاهم وج اهلهه
عله الناكر تعبه والجهلهه
تهم باطل حبيبي وجهلهه
وهيه من التهم كله بريه
رمح جارح وكتنه خله بينه
ثبتنه وعيب بانت خله بينه
طبع احنه من ابونا خله بينه
نبيع ارواحنه ونحمي الخويه
الخميس نوفمبر 20, 2008 10:16 pm
