الرئيسيةاليوميةس .و .جبحـثالأعضاءالتسجيلدخول
Cool Yellow 
Outer Glow Pointer

شاطر | 
 

 ابو ذيات توب

اذهب الى الأسفل 
كاتب الموضوعرسالة
شاب حزين
ادارة عامـــة
ادارة  عامـــة
avatar

ذكر
عدد مشاركات العضو : 196
العمر : 33
الأقــامــه : العراق
عـمـلــك : عطال بطال
المزاج : عصبي كلش
مهنتي :
الاوسمه :
هوايتي :
جنسيتي :
تاريخ التسجيل : 21/11/2008

مُساهمةموضوع: ابو ذيات توب   الثلاثاء يناير 27, 2009 2:03 am

مرضة احنة وما يــــــــوم ....... صحنة

لن عـراق وسبيل شلون ....... صحنة
كلنـــة عــــــرب واكـــراد ....... صحنة
كلا .. كلا ... للطائفية
..............................

مرارتنة يصاحب ليش ...... مرهةمنكم
وانة المعلول وابحــث ....... مرهم الك
تدري انت ليش انــة ....... مرهم الكم
انة ارهم لبو الاطباع الوفية
...........................


هاك اشعل كلب كلبي و وجهاك

اعله حاله راح اعلمنك و اوجهاك
بشالك من تلف شعرك و وجهاك
تلف روحي مثل لف المنيه
*** **** ***
ما شاء واضن اليوم شاءلك
وعلى راسه احس الكلب شالك
على شعرك لون ذبيت شالك
تذب عا لروح طركاعه وبليه
*** **** ***


وحك رصعة اخدودك وحك شفتاك

انسبيت بيوم وسط الروح شفتاك
اشيخلصني بعد شرتاح شافتاك
وبعدك والقرب نفس الاذيه
*** **** ***
حبيبي بيا بخت وياي شديت
عدى هجرك الي شقدمت شأديت
باصبعك حتى تذكر خيط شديت
انحصر دمك ولا فكرت بيه
...............................


هنجل كلبي من شافك .......... ودرباك

وحرت شلون اعلمنــــك ......... ودرباك
كضيتة زحوف شارعكم .......... ودرباك
زلغت الركب وعكوس ادية
.............................

العشك يهديب عمري ........... كلفاني
وحبنة بغير حبكـــــم .......... كلة فاني
سهمك من رميتــــة .......... كل لفاني
شك صدري وجزاني ورد علية

.........................

حبيبي انة منــــــــك ......... ونتة مني
وحس كلمن يون لك ........ ونتة مني
اجت احزان دهــــرك ........ وانتمن لي
وصرت يفلان مأوى لكل رزية

......................
شكثر انة احسب لجيتك ........ وعدلك
وسهرت الليل اتانـــــــي ........ وعدلك
اريدن بيدي اعوجنــــــك ........ وعدلك
وعدلك لو متت مابين ادية
........................

ابد ما اصطبيلــك .............. وانتبهلك
واحذر حيل مني ............. وانتبه لك
انة بأهلي ازامط ............. وانتة بهلك
واذا اهلك زلم هدهم علية
........................

الاحبة روحي بروحة .......... مذابة
زعل وياي لـــو ادري .......... مذابه
ذبني بلا سبب وانة .......... مذابه
هجرني وصاح حبك بس اذية
.......................

عليكم من سلام الله .......... ورحمة
وحن عالكلب مــــــرة .......... ورحمة
اذا رايد اجر انــــــــــت ......... ورحمة
تعال انطيني بوسة وحن علية

......................

اجيك بلهفة اتعنة ............. وهملك
ولتضن يوم املنك ............. وهملك
اذا ضنيت متأكـــد ............. وهم لك
لان ميصح متوهم صافي نية
.........................

كلمن كال سوف اعمل ........ وسبني
جنة بحجية شتمنـــي ........ وسبني
اكلة من الوطن اطلــع ........ وسبني
انة ابني الوطن بثنين ادية

........................

الفكر من عقلي طار .......... شتمني
وعليك الما يشتمـــن .......... شتمني
بعد هالذل يروحــــــي ......... شتمني
تمنيت روحي تاخذها المنية

.......................

طبع اليحفر بصحـــــــــراء ........ يعراك
ومن طبع الشجر بالطين ........ يعراك
ومن طبع العراقي يصيح ......... يعراك
الك يغدي العمر فدوة وهدية
.........................

عطشان علة جرفك ليش ........ يماي
كل خصلة منكظهة تصيح ........ يماي
بعيد ابعد بعد لا تلفــــــي ........ يماي
اذا تلفي اشك ثوب العلية
..........................

بحجيك ليش بس وياي ........ شطيت
نطيتك دمع عيني تكول ....... شطيت
انة بدمع العيون اشطوط ....... شطيت
وصب دجلة وفرات بين ادية
..........................

الجميلة عليك لو مـــــــرت ....... قف لهة
قصيدة عشك من تمشي ....... قفلهة
احلفك كون من توصــــــل ....... قفلهة
تقفلهة بالف سركي علية
........................

بت كلبي انكطع بلتك ....... وبتكم
ردت اندلة شارعكـــم ....... وبتكم
واجي خطاب لبتكـــم ....... وبتكم
غصبن عالعشيرة اخذهة الية
.........................

الحب بحجر سجيــــــــل ...... رجماي
ودمع لجفن فوك الوجن ...... رجماي
حبيبي لو طلب فد يوم ...... رجماي ( رقماي )
نطيتة الرقم والهاتف سوية
.......................

زوج طيور حبنة صفــــــن ......... بس تك
وصرنة للشماتة علـــــج ......... بستك
ما ادري شجاني وكمت ........ بستك
اعذرني عالجرالك مو بدية

........................

يحلوة عيوني انتي ......... ونتي رمشي
لتزعليني منــــــج .......... ونه ترة امشي
راح انطيج رقمــــي ......... ونتي رمشي
بس يرمش اتصل مية بالمية

............................

احبج حب جنــــــون ......... موطبيعي
وبطلي ابييع ثكلـــج ........ موطة بيعي
طبع الشهم طبعــي ....... موطبيعي
اغدر وانثني بسابع ثنية

...........................

صرت للدهر صكلـــــة ....... ونتة لاكة
وفرح مالاك اليــــــــــة ...... ونتة لاكة
يريت الوكت يفتـــــــر ........ ونتلاكة
احضنك والحضن موساد الية

...........................

العشك كاروكة يامة ............. لولة بية
وفرني شلون فـــرة ............. لولبية
احبهة وحبها خلـــة ............. لولة بية
ارجف لون طاري الحب مر علية

.........................
الك طوبة الليالي ........... ناولني
وعلى هجرك أأكد .......... ناوي لني
اذا يس ترضة ذلي ......... ناو لني
وما ارضة اذا حبك اذية

........................

ورد قداح اهديلــــــــــك ......... وجوري
وريدن ضيمي احجيلك ......... وجوري
موجر والعشك كمـــــل ......... وجوري
وشبه بركان حبك صار بية

...........................


طار وما كلت للناس عالطار

وشسولف عالجرح بالكلب عالطار
جنت وياك شايل خلك عطار
طفل ما تشتري وتلعب عليه
*** **** **** ****
التعب والضيم جنبي الراحه جنبك
اشتضن من نار كلبي راح اجنبك
عشك العقل خلص راح اجن بك
واموت بعشرتك وابليك بيه

........................................

يالبهمك ملابــــــــــــس ..... لابستني
وثوب الحزن بيــــــدك ..... لابستنـي
زعلت لا صالحتنـــــي .... لا بستني
ولا كتلي بالجذب حقك علية

.......................

اريد الزم خديــــــــدك ..... وشتمنة
واريد انعل ابيــــــــك ..... وشتمنة
تدري شراد كلبـــــــي .... وشتمنة
على صدرك اموت وهاي هية

......................................

ذهب صافي طبعنه ماصدينه
وابد للي نودهم ماصدينه
تصيد الناس وحنه ماصدينه
رغم نفس المجان انذب سويه

......................................

الفرح مايوم بروحي مر بيها
ومره اكره الدنيا ومره ابيها
حياتي اصبحت حنظل مر بيها
أشد من المنازع بالمنيه


......................................

بدمع عيني اكتبتلك خاطر آني
والك مايوم كاسر خاطراني
غير انت تجيني خاطري آني
اجيك واعتني غصبن عليه


......................................

رحل وحنا عرفنا النزل شطره
وعلى بالك شنو اللي خطر شطره
شطر عندك يريد القلب شطره
واظن شطر الليعندك راد اخيه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ضوء القمر
نائب المديرالعام
avatar

ذكر
عدد مشاركات العضو : 294
العمر : 32
الأقــامــه : العر اق
عـمـلــك : طالب
مهنتي :
الاوسمه :
جنسيتي :
تاريخ التسجيل : 20/11/2008

مُساهمةموضوع: رد: ابو ذيات توب   الثلاثاء يناير 27, 2009 2:13 am

كلامات جميله تسلم يا ورده
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
admin
مـديـر الوافي نت
مـديـر الوافي نت
avatar

ذكر
عدد مشاركات العضو : 506
العمر : 29
الأقــامــه : امتلك اقامه
عـمـلــك : طالب
المزاج : حالة حب
جنسيتي :
مزاجي :
مهنتي :
هوايتي :
جنسيتي :
توقيعي :
تاريخ التسجيل : 20/11/2008

مُساهمةموضوع: رد: ابو ذيات توب   الثلاثاء يناير 27, 2009 2:24 am

تسلملي عيني شاب حزين على الابوذيات الرووعه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://alwafinet.yoo7.com
 
ابو ذيات توب
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: الاقسام الادبيه :: منتدى الشعر الشعبي-
انتقل الى: