(( لايا صديقي))
أختاريتك ألي مـــن دون كل الــــناس
ور شحتك يصاحب أعز صـــــــدقاني
ومن گد ما أحبك وأنت غالي هــواي
ساويت بمحبتـــــك والله خـــــواني
قريب أنت علي رغم المســــــافات
أرتبط بيك ألگلب ياخوي روحــــــاني
ضميتك ذخــر گلت لساعـــــة العوز
تصير حزام اليه وتشد ذرعــــــــاني
والله آنه بمحبتك صافي مثل الماي
وأسمك ماوگع لحظة عن لسانــــي
أختاريتك الي تعوضني عن ألــــراح
وتدري أني فگدت من أيدي صدقاني
گات بيك العوض انت الله دزك عون
وگلت بلكي تعوض سنين حرماني
ألزمن أبخل عليه وأخذ مني هواي
وخلاني وحيــــــد أبين عـــــدواني
ردت من الحزن أنهزم واعبر بيــــك
وتساعدني أفوج أبـــــــحر أحزاني
شلون تظن أجرحك وأنت غالي هواي
سو ء ألظن يغا لـــــي هواي أذاني
وعزائي أني الوحيد بقصـــتي وياك
آنه ألمجني عليه وياك مو جــــاني